最近致力於電影圈發展的陳小春接拍世紀創作室新電影《葬禮楂FIT人》，電影將於今日上映，《葬禮楂FIT人》由陳小春、林家棟、譚耀文及新人黃榕主演。小春在戲中演一位機警兇殘、為求目的而不擇手段、脾氣極大，也會因為心情差而打女人的反派角色，小春亦首次嘗試演繹意識大膽的戲份，對於小春來說也有一定的難度。
早前陳小春與黃榕拍攝一場強暴戲，這場戲是小春被毆打後腳受傷了，同時得知自己患有性病後便大受打擊，因此利用強暴戲中女友黃榕來發洩自己的不安、不忿及長期抑壓在心中的壓力。小春於開拍前的心情十分緊張，為求逼真，小春用力推倒黃榕於沙發上，又埋身肉博地演繹角色。這場戲為求方逼真而重拍多次，黃榕手腳也有多處瘀傷，但她只是忍受痛楚而利用粉底來遮蓋自己手腳上的瘀傷。
小春拍攝後說：「喺拍之前我己經好緊張，但係拍個陣個心真係好痛，我重來未試過打女人，而且我真係無可能會打女人，而家竟然為左拍戲要打女人，我覺得真係好對唔住黃榕，因為令到佢又瘀又傷，不過亦都喺佢既專業去忍住痛，不過如果再有同類型既角色我都會諗下先會決定做唔做，因為打女人真係好難受。」黃榕說：「當時收到劇本知道自己要拍強暴戲真係好擔心又好驚演得唔好，但係一埋位，小春就真係交足戲，令到我都可以投入向個角色裡面，到拍完，小春都有氹返我開心又關心我手腳既傷，所以我都覺得同佢做戲都好開心，所以都算順利咁拍完。」
鳴謝：世紀創作室
