超強CGI特技笑撼銀幕 玩盡宇宙各路英雄
當蜘蛛俠吐絲吐到冇貨,神奇四俠又話要拆伙,超人條紅褲又話唔見咗,蝙蝠俠隨街泊車搞到俾人鎖……全球壞蛋惡黨、卑鄙小人、奸商魔頭,即時乘機作惡搗亂,好彩仲有一個宇宙真英雄,狗急扶危、儆惡懲貓!佢換衫快過超人、唔駛織蜘蛛網一樣可以四圍擒,唔止識守門口,仲會保衛全宇宙,有佢唔駛再打九九九嘅「超能特工狗」!
金球獎最佳特技班底Dream Quest Images,加上荷里活最著名的動物指導師,曾為《一家之鼠超力仔》系列、《魔盜王》系列、《綠里奇蹟》等多部荷里活大製作訓練動物演出的Boone Narr,以超強CGI打造今年最「狗」奇俠,膽粗粗玩串宇宙各路超級英雄!
佢個鼻索一索 世界冇邪惡
瘋狂科學家巴西蒙,企圖透過基因改造研製超能軍團,藉此控制全世界。啱啱撞正比高犬鞋油闖入巴西蒙的實驗室,像蜘蛛俠般誤打誤撞得到驚人的神奇力量,不止力大無窮、飛天遁地,還懂得說一口流利的人類語言,爛gag笑料一併大爆發,從此變成「超能狗」,加入在天上飛來飛去,有緊要事唔怕塞車的超級英雄行列,除暴安良、鋤奸滅惡,悍衛全城治安,不只獲得全城敬仰,更奪得美狗歸,與曲架狗女寶莉愛得甜密密。巴西蒙奸計得逞,奪取超能狗的超級能力,更在國會裝下特級炸彈,並散播基因改造藥水,雙重陰謀令全城告急!超能狗冇晒超能力,慘過蝙蝠俠冇錢買裝備,究竟牠怎對付巴西蒙?
香港上映日期:9月20日
鳴謝:洲立影片公關部