「掌門狗」幕後精英最新動畫 搞鬼鼠輩惹笑登場！
《超級無敵掌門狗》系列原創班底掌舵，今次唔玩泥膠，來個一百八十度轉變，全身投入百分百電腦動畫創作。華佬同掌門狗暫時抖抖，換來一班搞鬼鼠輩惹笑登場，讓觀眾轉轉口味之餘，自己又可以在故事上有更多彈性，搞搞新意思。這個令人耳目一新的嘗試，不但得到近年動畫界新王國夢工場動畫大力支持，更有一群演技派紅星幕後“聲”援，包括：《變種特攻》(X-MEN)狼人曉治積曼(HUGH JACKMAN)、《鐵達尼號》(TITANIC)玉女琦溫斯莉(KATE WINSLET)、《魔戒三部曲》(THE LORD OF THE RINGS) 飾演甘道夫的伊恩麥基倫(IAN McKELLEN)、《加勒比海盜：決戰魔盜王》(PIRATES OF CARIBBEAN:DEAD MAN’S CHEST)鬼船長標尼菲(BILL NIGHY)及《達文西密碼》法國巨星尚連奴等。
在倫敦高床暖枕、一日五餐有人定時服侍的寵物鼠Roddy，食慣歎慣，自以為條命生得正，生活中一切美好事物都係應份屬於佢！點知有一日，一隻如假包換嘅坑渠老鼠Sid殺到！牠野心勃勃，要取代Roddy，把Roddy錦衣美食的富豪生活據為己有。一向萬千寵愛在一身嘅Roddy仲未知大敵當前，以為Sid好容易打發！點知俾Sid一個唔該，一腳伸落馬桶，仲襟埋掣用水沖走佢添…從此Roddy先知個世界原來係有黑暗嘅一面，亦因為咁樣，牠不再活在只有自己的狹小世界中，並邂逅了聰明機敏的街頭老鼠Rita，開始了段段驚險妙趣的經歷…
本港上映日期：2006年11月30日
鳴謝：洲立影片公關部
